鑽石Tips

買鑽石 小心德 - 八心八箭

八心八箭其實代表切割方法(車工)較好..
可以令鑽石把大部分光線折射到鑽石上方..而做到""好火""的效果..
所以平時D人話""好火..好火""，其實係切工的問題..

八心八箭 其實代表係鑽石的上面 (平面那邊) 向下望，用一個特別D、帶顏色的鏡去望，係可以見到有 八枝箭由鑽石的中心點向八面分射..
而八心 其實係將粒鑽石的底面向天..(尖點向天)，再用一個特別D、帶顏色的鏡去望，你會見到 八個心 (心的尖位向中央)

解釋得唔係幾好..唔明再問我喇

如果一定要八心八箭
IGI 証書 和 AGS 証書 都是八心八箭的專家..
但不是太普及..(可能保值能力較差)

GIA 証書上是沒有提及八心八箭的..
因為八心八箭其實只係一種切割方法所做成的效果..
GIA 証書是不會提及切割方法的..
但GIA 証書上是有一項寫 Finish: 再細分 Polish & Symmetry..
如果Polish & Symmetry 都係Excellent..
咁粒鑽石對光線的折射都可以比美八心八箭..甚至可能己經係八心八箭..

再講..八心八箭 其實都有細分..箭 粗D 幼D 都有分..
視各人喜愛..
但光線的折射都是很好的.

GIA 好與壞

GIA 好處: 世界應可, 1卡 以上保值度高
GIA 壞處: GIA Certification 本身係要$$，寄去美國 certified, 郵費就好平，但係 insurance 就貴...咪又係計左落條數個度..

Budget 少D 可能要買無Certificate 的..
最緊要保持清醒..(必要時要丈夫/太太做人工呼吸)
記住(必要時寫下) sales 講每粒石的淨度及colour
慢慢選擇..

鑽石最怕比較..
之後再將心水的5,6 粒 放在一張白紙上(必要時自備)，將鑽石放在白紙上再比較colour, 當然白D 好D啦.. 就算己鑲在介子上的鑽石也可做比較，也比較 Sales 之前講得誠實與否..

唔駛問D sales 你以前買粒鑽石好唔好..
實話唔好..一係就話D colour 低.. 一係就話淨度差左一級..
係佢度買就最好..[:p]
自己冷靜比較下就OK 喇！

淨度
分好多級:
IF(Internally Flawless),
VVS1, VVS2,
VS1, VS2,
SI1, SI2,
I1, I2, I3.

好難講，因為好專門..
但係門市，唔識都要扮識..
大既可以咁講.. (roughly la..)
就咁望都可以望到花/雜質..
可以話屬於I 級

如果用十倍放大鏡可以好易搵到有花/雜質..
可以話屬於SI 級

VS 級要用十倍放大鏡先可以看到有非常少花/雜質..

VVS 級就算用十倍放大鏡,都要落足眼力先可以看到有花/雜質..
IF 和 F 級就真係唔識講..買E D 就買GIA 証書的喇..
IF 和 F 級想買有時都買唔到..

放心..有証書架

如果sales話有証書，要問清楚係乜Certificate..
因為要有世界應可的Certificate先有用..
仲要係多人應可的..香港就多數用GIA 証書

如果唔係我又出張 J.A.C.K CERTIFICATE..
跟住話粒石幾好..幾好..
但係可能E 張所謂的 J.A.C.K CERTIFICATE 同你自己Print既冇分別(可能紙質靚D 同過左膠)..你話分別大唔大呢?

仲有, 要留意..
什麼CZ 石，蘇聯石..
其實係假石(人做石)..千萬千萬唔好買呀!
十倍鏡的用法

用一手拿著十倍鏡，一手拿著鑽石..
將十倍鏡放近眼 大概2cm..
再將鑽石放在十倍鏡的另一邊 大概5cm
慢慢前後移動..(較焦點)
最好拿著十倍鏡及拿著鑽石的手互相扣住(可減少手與手之間的振動)

記住兩隻眼都要張開啊..
因為如果成日單起一隻眼睇..會""鬥雞眼""架..

GIA 証書 - 加鑽石Gridle 的証書號碼

在行內..末聽見過門市換走 GIA的鑽石 (如果Gridle 冇Lasered 証書號碼)
因為每一粒鑽石都是獨一無二的..
門市很難搵到一粒無GIA証書的鑽石.. 再配一張GIA証書俾你..
到時粒""原本""有GIA証書的鑽石又""無左""張証書..
無意思..費時失事..
所以這方面不需要擔心..

當然..
如果兩粒有GIA証書的鑽石放在面前..
兩粒你都鍾意..$$ 又一樣的合理..
但一粒有Laser 証書號碼.. 咁我都會選擇衣粒..
話晒Laser落去都要$$ 架嘛!
保值度

保值度高的意思係..
當有一日你想賣左佢..
個價錢相差不會太遠..

因為全世界的鑽石出產，其實有90% 都係一間叫戴比爾斯公司 (De Beers)所控制..為左控制個市場，有一D所謂參考價(公價)放左出黎.. 而E D 參考價對一卡以上的鑽石的調正通常都係向上調(我唔敢包,但多數都係)..因此如果有一日你想賣左粒鑽石，個價錢應該同參考價差不多..

再加一張世界應可的証書..買你粒鑽石的人就無籍口話你粒石幾差幾差 再壓你價啦

但講番轉頭，結婚介子又點會賣呀...有紀念性就夠.. 要保值黎做乜呀..想賣去隻結婚介子? 因住俾老婆""蚊耳仔""呀..
不過..怕買野中招,而$$ 又方便咪買有GIA 証書的石囉。

我自己就買冇GIA 証書的鑽石..(結婚介子)
因為冇保值的需要..
而且我買一卡以下的結婚介子...要GIA 証書好似冇乜用..

再講..鑽石衣 D 野..只會越買越大粒..
結婚介子就買一卡.. 將來幾十年米要買D 二三四卡???
如果結婚介子買一卡..一年後買粒0.5卡..二年後買粒0.8卡..佢都仲會鍾意..
第三年你要買乜呢??
又係0.8卡? 己經有喇.. 0.6, 0.7卡?? 一陣佢話你冇以前咁愛佢就大穫啦...

金行九折回收

什麼9折回收 = 俾多個機會佢斬多你一刀..
eg. 成本 $100 賣俾你$200
9折回收 俾番$180你..仲要用衣$180 同佢買其它野..
所以 = 俾多個機會佢斬多你一刀..

但如果真係要賣,只可以賣番俾 賣俾你的金行..
eg. 成本 $100 賣俾你$200
重點係成本(對金行黎講)只係$100，咁又會有邊間金行會回收你粒石呀！$130都俾多你啦(對金行黎講)..
只有 賣俾你的金行，念著曾經賺過你$$，再降低個價""幫你""回收..
所以真係唔見意回收..

不過…話時話..
在商言商..
個個做生意都要賺錢..
如果唔係佢地食乜呀!
所以金行咁做都係合理��..
但係大家要知道D利害關係..
再決定要唔要咁做喇..